<em>Labirinto de sombras (I)</em>, por Chelo Suárez

Labirinto de sombras (I), por Chelo Suárez

0 comentários 🕔10:00, 07.Mai 2014

(A Alejandra Pizarnik. In memoriam)

I

Dende a nada
sinto o ruído dos teus pés.
Soan
coma un rumor de ás.
Con mans de cristal
rompes o hábito das horas
escachas a monotonía.
A noite
sombra que me trae
silencio
escuridade e luz
no calado murmurio das estrelas
ven falarme de ti.

II

Unha hora de paxaros para te buscar.
Abóndanme dous segundos
para achegarme a ti.
Abre, abre axiña
a inaccesible porta do teu labirinto,
para que poida atopar
na sombra dos teus silencios
a túa luz.

III

Que se agocha tras desa melancolía
que trae xa un ataúde feito á medida
de cada un dos teus pensamentos.
Todo nace para morrer.
Sabémolo.
Menos a palabra.
Esa palabra túa, que chega a nós
viva e ferida.
Os teus poemas
versos na miña alma.
Versos
de sombra e luz.

IV

Un día
deseñastes con palabras un raro xardín.
Sen flores.
Plantastes nel bolboretas negras
e paxaros de brétema
iluminándoo logo
cunha rara luz.
Para que o habitase
sen veo ningún
a túa melancolía.
A túa sombra nua.

Sobre o autor / a autora

Chelo Suárez

Chelo Suárez

O mellor don con que fun bendicida ao nacer foi cunha sede infinita de libros. O gusto por respiralos e lelos, tan pronto aprendín a ler. Poeta e narradora, dedícome a crear universos que conxugan o realismo e a maxia.

Sem comentários

Ainda não há comentários

Ninguém deixou um comentário para este post ainda!

ESCREVA UM COMENTÁRIO SOBRE ESTE POST

Escrever um comentário 

O seu endereço de email não será publicado. Campos obrigatórios são marcados *