<em>Poemas que hoxe veñen a min como paxaros</em>

Poemas que hoxe veñen a min como paxaros

0 comentários 🕔10:00, 04.Abr 2016

Xamais esquecerei aqueles veráns
no campo en familia.
Nin as horas de luz, nin o recendo.
Nin aquela alegría entre flores.
Nin as noites de ver polos camiños,
a maxia dos coleópteros.
Vagalumes. Lámpadas marabillosas…
Despregados diante de todos nós
como unha ofrenda.

*

Estou a crer… Bendice
Ti os meus pensamentos.
As miñas ideas
encamiñadas a procurar
camiños xa arados.
Onde todo
pertenza a todos por igual:
o froito, a flor.
E a semente nova.

*

Hoxe escoito o silencio.
O meu silencio.
Con pasos silandeiros achégase a min.
Para, apenas audible, dicir:
As túas palabras soan como música de viola
tocada pola alma.
Espallada nos ventos.
Sostida polo sol.
E polas nubes.

*

A choiva cae fío a fío
enrédase na roca do sol.
E no aire queda.

*

A soidade é azul.
Deserta e solemne
como ás veces é o mar.
Desolada e baleira.
Como ás veces é o ceo.
Collerei nos brazos un acio de mañás
soleadas e ociosas, para te ofrecer.
Un allegro de paxaros
soará en redor.
E un arco de vento traerei, para que nel,
aaaaaaaaaaa xuntos,
remonten os nosos nomes.
Nas augas dos ríos,
nas escumas do mar,
aaaaaaaaaaa tatuado,
o noso amor terá voz.
E cantará.

Sobre o autor / a autora

Chelo Suárez

Chelo Suárez

O mellor don con que fun bendicida ao nacer foi cunha sede infinita de libros. O gusto por respiralos e lelos, tan pronto aprendín a ler. Poeta e narradora, dedícome a crear universos que conxugan o realismo e a maxia.

Sem comentários

Ainda não há comentários

Ninguém deixou um comentário para este post ainda!

ESCREVA UM COMENTÁRIO SOBRE ESTE POST

Escrever um comentário 

O seu endereço de email não será publicado. Campos obrigatórios são marcados *