5 poemas de <em>1+1=3</em>, de Franck Meyer e Baldo Ramos

5 poemas de 1+1=3, de Franck Meyer e Baldo Ramos

0 comentários 🕔11:35, 04.Ago 2016

Mais uma vez agradecemos a Franck Meyer e Baldo Ramos o terem facilitado a publicação na Palavra Comum da sua obra.

Neste caso, trata-se de 5 poemas do seu livro conjunto 1+1=3, publicado por Edicións Positivas em 2016.

A fotografia que acompanha estes textos foi feita em Lugo em 2015.

*

III

ou imaxina que hai veleno
por todas partes
mais non podes marchar
porque os teus pés están demasiado metidos
en algo teu pegado
ao veleno
non obstante alleo á túa forma de ser

mais que é ser agora
se non unha serie
confusa de momentos ocos?

*

IX

era por maio

nas aulas da facultade nova

eu escribía poemas cheos de pólvora
que detonaban no interior da cegueira

aquelas palabras
dixeches un día
son como lagartos nun mundo detido

réptil que aniña nas fendas da sintaxe

onde o tempo dialoga coa amnesia

*

LXVIII

no oeste os reloxos non indican
a hora do lugar

de pensalo ben
o meu camiño ao poñente
sufriu? tivo? viviu?
unha desviación sureña (ben
incrustada desde entón) (feita
miña como o punto de
partida)
e así puidemos coincidir

cales son as variables
na teoría dos vectores de Bandín
que expliquen que os nosos pasos
aaaaa se cruzaron?

oracións condicionais
plasmadas en xeografía

que che vou dicir a ti
raiano?
acaso esa tanxente
non debería levar
a onde as consoantes
aaaaa poden ser sonoras
e falar non é boxeo
senón un aloumiño?

porén o Miño
turrou
aaaaa a contracorrente

*

LXX

o punto de encontro coido que está
nese espazo ignorado que nos convida a entrar

descoñecemento/estrañamento.

espazo común da discordia

os teus poemas aínda confían

os meus nacen da decepción da linguaxe

a vida vai por outro lado

e non falo de pesimismo

nos últimos tempos
para min escribir xa non é unha necesidade

é pouco máis que un refuxio
unha casa de acollida
na que ninguén te espera

*

XCI

terra de ninguén

a espera
despois do control
(mesmo hai que quitar o cinto)

no aeroporto

un xa non aquí
e aínda non aló

despedida entre parénteses

Sem comentários

Ainda não há comentários

Ninguém deixou um comentário para este post ainda!

ESCREVA UM COMENTÁRIO SOBRE ESTE POST

Escrever um comentário 

O seu endereço de email não será publicado. Campos obrigatórios são marcados *