Desde Palavra Comum agradecemos a Estela Pan o envio destes poemas, nomeadamente por estarem acompanhados por esta versão caligrafada manualmente. Os textos pertencem à sua obra Poemas Manuscritos. A foto que acompanha os textos é de Trash Riot
.
1.
Desterro cara ningures
Nese tránsito do solpor
Que se achega a ti
Por medio de alegorías
Sobre o teu corpo
10.
Supoño que as dúbidas
Son cabalos sós na noite
Que se afastan do lume
17.
Se es capaz de transferir
O xeito tan peculiar de quererme
Poño o altar aos teus pés
18.
Paris: bicos roubados
E pontes
Con rosas vermellas
23.
Recibes a dor do que falta
De min
Sen recoñecer a perda
E rezas un mantra budista
24.
Resistir coa calma
Do mar de agosto
para debuxar
o teu corpo
transformado polo lenzo
25.
A metástase do teu ollar
traduce a espera
e lévaa ata o cumio
da montaña sagrada
32.
Estou a facer apoloxía
Do sagrado
Así os teus nomes
Fanse terra
35.
Calcino os recordos e expándoos
No vento
Para naturalizar
O noso
36.
Ante a elocuencia
Dos teus adeuses
Subo a espada
E cabalgo a outros territorios
38.
Pasaba en 24f/s
Como cando te vin
Por primeira vez
Actor principal dunha peli de Truffaut
(Só quedaba rodar)
42.
Cada síntoma de
Decomposición
Reflicte a perspectiva
Cara o infinito
Na que me envolves
45.
Para saber do sentido da existencia
Terei que recorrer
Aos conceptos derridianos
De finitude e silencio
47.
Cando repito o meu nome
Fronte ao espello
Penso en Antoine Doinel
Estrañámonos tanto os dous
50.
Intento explicar a metáfora
Que me fai debuxar corpos,
Terras onde descanso eu,
Estranxeira
You might also like
More from Estela Pan Vázquez
A noite. Ausencias e Presenzas (Filmografia de M. Duras)
A noite, as mans (azuis e negras) Un auto que percorre as rúas de París. Música de violín A noite. As mans abertas. …
Entrevista | Diego Giráldez: “Agora mesmo a soidade é un antídoto”
Diego Giráldez (O Porriño, 1976) leva toda a súa vida profesional vinculado ao xornalismo. Dirixiu distintos xornais e revistas, e …
