NOTA DE PALAVRA COMUM: saudamos a aparição de “e Caín”, livro de poemas de Paco Souto publicado por Laiovento recentemente, com prólogo de Miguel Mato Fondo e ilustrações de Viki Rivadulla.
Agradecemos o envio de 3 poemas, acompanhados de outras tantas ilustrações, para mostrar nesta revista uma parte da obra, da que recomendamos a sua leitura.
***
autorretrato
escribo
en folla impar
as tres cuartas partes
xustas
de min mesmo
a man acenando o universo
a viaxe impar de virme paradentro
escribo tolo
un sexto apenas da ousadía
do que calo
inspiro
e dialógome
o meu mundo sempre será varios
***
amado Xonás
saímos á noite
por comer do escuro canta luz
quixemos posuír
carne de auga eramos mar abaixo
voces de lúa
pegando aínda
no farol de proa
na gamela enchida de florestas
dedos eramos
polos precipicios da carne
aonde caer obsesivamente moribundos
acesos surtidores de balea
iniciaron nas ondas vixiantes
aquela sorte de naufraxio voluntario
como morremos entón Xonás
na boca enorme do pecado
***
Metamorfose
Para Alfonso Costa
vivo nun país de marea baixa
entre argazos e agullas de coral
construímos a ilusión do solpor
mentres
o sol debruza con quietude
os seus pés
na lagoa da tarde
de enchermos a lúa
o noso país cativo
afogaría en sal océana
apenas é un baixo a romper
a pedra azul das augas
un salseiro de cobalto
sen terra para a labranza
sen augas de beber
sen respiro apenas
só nos queda arrincar a pel
e que veñan as escamas
empeñar brazos e pernas por aletas
e iluminar
coa tuberculose
as galadas que nos dean alento
maradentro
You might also like
More from Ilustração
«Nunca mais» é a bandeira dum humanismo fulcral | Leandro Lamas & Alfredo J. Ferreiro
As costas de Portugal e da Galiza vêm de ser de novo poluidas até ao paroxismo. O artista Leandro Lamas …
NOVAS VELLAS MARXES: Afra Torrado, multidescendencia do eu | Emma Pedreira
Proxecto Nómades: mostra "Mete coitelo, bota tripas", de Afra Torrado; crítica realizada por Emma Pedreira.
