Este que tes nas mans é un catálogo de incendios. Un lugar para as paixóns máis íntimas. Un acobillo certo para o lume que nos ilumina a palabra, o son, o azar da tinta.
É no incendio onde refulxe arreo o labor creativo, a simbiose próspera das linguaxes en irmandade, o crepitar alucinado da materia atinxindo de vez a forma. Unha e múltipla.
Arxila do seu tempo.
Xinete dos delirios.
Aquí as ferramentas que adoitamos usar:
Aquí a lingua.
O piano dos soños.
A vontade de sermos.
OS AUTORES
P. S.
Queremos agradecer a cantos de seu trouxeron leña especialmente a Xosé Regueira, a Manolo Varela, a Peter Schneider (autor das fotografías das ilustracións) e a Zuriñe Mendicote.
Veño da fin do mundo
Coa cabeza aberta
E as mans cheíñas de paxaros
Veño nas coitelas do solpor
Onde o voo dos mascatos
E os corvos anunciadores do trebón
Tecen a noite
E na morte
Souben
Que Mar non era de augas
Senón da rosa nosa das tristezas
SE ANA MENDIETA
Abrirei un oco na terra
Do tamaño exacto do meu alento
Da promíscua floresta
Ao leite do río
Propagarei o rito deste incendio
Luz nefasta
Eu son
O galo degolado
Que esmorece nos teus peitos
Son o barro calcinado
A cicatriz e a pólvora
Abrirei
Abrirei na terra
Un oco do tamaño exacto
Do meu verso
You might also like
More from Ilustração
«Nunca mais» é a bandeira dum humanismo fulcral | Leandro Lamas & Alfredo J. Ferreiro
As costas de Portugal e da Galiza vêm de ser de novo poluidas até ao paroxismo. O artista Leandro Lamas …
NOVAS VELLAS MARXES: Afra Torrado, multidescendencia do eu | Emma Pedreira
Proxecto Nómades: mostra "Mete coitelo, bota tripas", de Afra Torrado; crítica realizada por Emma Pedreira.
