Estase a realizar unha exposición colectiva dos pintores Xulio Maside, Xoán Pardiñas e Fernando Riveiro (no Pazo da Cultura de Carballo, do 7 de abril ao 8 de maio), que posteriormente irá a Malpica.
Desde Caldeirón publicouse un catálogo homónimo con textos poéticos de autor@s que teñen editada alí a súa obra.
A continuación, deixamos a segunda parte deste diálogo entre artes:
***
XULIO MASIDE
*
Podo ulirvos
atrapados na vosa espiral de bocas
as mans confundidas nos adentros
podo escoitar
como renxen as vosas seivas rápidas
e ficar aquí enquistado
no máis inútil ángulo da vosa pel
á espreita
presentirvos
esa vibración porosa e mística
que facedes que aconteza
e ladrarvos
porque non atinxo o senso desta loita
se os vosos sexos xogan a cazarse
como cachorros
ou se nutren
ou se agreden
por iso estou latexante
coas fauces abertas
choutando entre as pernas do desexo
gardándovos a pel
por se o desexo torna cruel mordida
e acontecen as sombras.
EMMA PEDREIRA
***
XOÁN PARDIÑAS
*
Antigone
acaso quedara un último poema
por escreber
aaaaa -outra lectura-
procurar a sombría ollada
que na súa infelicidade
escolle a morte
de xeito consciente
e rebelde
amando a vida
con total entrega
e así completar
nen saber que
MIGUEL MATO
***
FERNANDO RIVEIRO
*
e o lenzo racha
transfigúrase
transfórmase
rompe o silencio para dicir que o verbo é
o mar
o ceo
o corpo que abala
para exclamar que basta!
a fronteira que delimitara os lindes do medo
desfaise nos cascallos que son esa dor que nos iguala
e non mingua
e di que si incluso cando non lle presta
pero recoñece o sacrificio
e ambos virámonos cara ao mesmo lado
e xuntos imos pechando os ollos
para ficar durmidos
no contacto necesario
ALBERTE MOMÁN NAVAL
You might also like
More from Alberte Momán Noval
“Condição de abril”
"Condição de Abril" é um conjunto de onze poemas do poeta, escritor e editor galego Alberte Momán Noval.
Erótica, de Alberte Momán
Erótica (PDF), de Alberte Momán Naval, é mais uma obra anteriormente publicada na Arcosonline, um projeto digital de Victor Domingos.
