1.-Constituirá o libro electrónico unha parte importante do mercado editorial de aquí a dous anos?
Tati Mancebo: Si, aínda que só fose pola tendencia ascendente da súa presenza no mercado, as estratexias en marcha dos grandes grupos editoriais e a crise tan forte que está a experimentar a industria papeleira (a maior papeleira dos Estados Unidos declarábase en quebra hai aproximadamente dez días), parece que en dous anos o panorama editorial pode mudar substancialmente en favor do libro electrónico.
Calidonia: Si, quen pode negalo?
Mario Regueira: Depende do que entendamos como “mercado”. É indubidábel que medrará cada vez máis, o que está por ver se alguén consegue compatibilizalo de forma intelixente cun modo de negocio rendíbel.
Goretoxo: Que remedio. Se como parece que para a campaña deste nadal o trebello de lectura vai ser o gadget de moda, e como parece tamén, o obxecto literario de evasion (chámalle bestseller, ou fantasia histórica) é unha forma de entretemento obviamente máis sinxela, mais traballada e máis aceptada que o videoxogo (quen falou de contornas de inmersión e non pensou nunha novela que te engancha?), todo parece chamar polo 2010, o Ano da Crise que Non Remata, como o ano da lectura…
2.-Triunfarán os lectores de libros electrónicos como dispositívos habituais entre os lectores?
(Ler completo en Tati Mancebo)
You might also like
More from Editoriais
Anna Clara de Vitto | Café com Português
A escritora brasileira Anna Clara de Vitto nasceu em Santos – São Paulo, é autora de Água indócil (Urutau, 2019) …
8 poemas do livro “E na gaveta um fardel de palavras” de Antom Laia López
Antom laia lópez (Melide, 1956). Mestre aposentado, nado en Melide mas podia ser en qualquer outro lugar onde aninhasse o …
