"Cantares", poema mecanografado e asinado por Celso Emilio Ferreiro ~ Palavra Comum ~

Dezembro 2024
S	T	Q	Q	S	S	D
	1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30	31

Nunha ocasión sorprendéronme unhas declaracións de José Luis Baltar nas que o barón popular de Ourense, afirmaba que Longa noite de pedra era un dos seus libros de cabeceira. -Será a riqueza da diversidade de interpretacións, da que me falan amigxs artistas e poetas e que moitas veces non acabo de compartir-, pensei.
Algún tempo despois comecei acalorados debates na rede cun curmán meu situado ideoloxicamente nas miñas antípodas. Axudoume a ver con claridade as distintas percepcións da realidade que campan pola nosa sociedade, tan diferentes que parecerían corresponder a espazos e tempos distintos; vivíamos, vivimos universos diferentes. Pasados uns meses o meu familiar ofreceume iste poema mecanografado e asinado por Celso Emilio Ferreiro, pensaba que sen dúbida eu o valoraría máis.
Descoñezo como puido chegar ás súas mans, mais o conto acabou nun troco no que lle fixen chegar unha foto da miña serie de “As mans do vento”. Parece ser que os dous quedamos ben satisfeitos.

O poema, “Cantares”, publicouse no libro Onde o mundo se chama Celanova.

Post Views: 1.895

#Celso Emilio Ferreiro #galego #Onde o mundo se chama Celanova #poesia #Xacobe Meléndrez Fassbender

Posted By

Xacobe Meléndrez Fassbender

(Galiza, 1963) Galego nacido en 1963 en Tegucigalpa (HONDURAS), trasládase dous anos despois a Galicia, terra paterna, onde reside dende entón. Dende o ano 2000 expón regularmente – máis dun centenar de exposicións tanto individuais como colectivas, nacionais e internacionais, (China, México, Italia, Escocia, Francia, Bulgaria, Portugal, Colombia…) - e participa como ponente en distintos eventos fotográficos. Utiliza principalmente a fotografía como medio artístico, pero tamén a instalación e o videoarte. Neste último camiño, nos últimos anos, é destacable a súa participación, con proxeccións en directo, en concertos de música contemporánea. Forma parte do colectivo “arTeu, arte+sociedade”, que busca novos camiños para a comunicación artística, e realiza numerosas convocatorias nas que exerce de curador. (...NA ESPERA, Paralelo 43º 21’ 45” no Agra do Orzán, Enarborar o Bosque...) Colaborou activamente como coordenador do Outono Fotográfico, inicialmente baixo a dirección de Benito Losada e no OF 2011 como coordenador xeral. Periodicamente ten publicado crítica de arte na prensa e tamén en programas de radio.