Non porque Xavier Alcalá sexa un bo amigo, que o é, senón porque tiven o pracer de ser unha das primeiras lectoras desta novela, quero recomendar Verde oliva a todas as persoas que desexen experimentar unha historia ben contada, un deses libros que non damos soltado nin de pensamento, sobre uns acontecementos que nunca acabaremos de coñecer ao 100%, porque así é a Historia.
Verde Oliva relata os primeiros anos da Revolución de Cuba a través dos ollos de Mariana, galega emigrada que acaba desempeñando un papel activo no Movemento 26J. Unha historia real e veraz narrada pola man experiente de Alcalá a partir do rexistro vital de Juana Maseda, quen lle confiou o seu pasado para que fose coñecido por propios e estraños. Unha gran oportunidade de vermos con lupa un período escuro dese pequeno gran pais que temos tan cerca e tan lonxe.
Aínda que escrita en galego, é a primeira novela de Alcalá que sae á venda antes en castelán, na editorial Nowtilus, mais en poucos días poderase mercar tamén en galego, editada por Galaxia.
Na páxina de Nowtilus podemos acceder ademais a contidos extras da novela, como a Carta de Mariana a Fidel.
You might also like
More from Narrativa
1846 | Um conto inédito de Adriano Espíndola Santos
Conto inédito de Adriano Espíndola Santos: Escritor. Mestre em Direito. Especialista em Revisão de Textos e em Escrita Literária.
À conversa com Fabiana Dapper | Café com Português
Fabiana Dapper acaba de lançar a sua obra intitulada Nos cachos de Luísa, Editora Goiabinha, cujo enredo se centra na …
